影片
更多
2017-10-28
824 瀏覽
九龍城係我學生時代經常去嘅地方，因為我嗰陣百足咁多爪，參加好多聯校活動，經常要嚟呢區啲學校開會交流，識咗好多好朋友，所以對呢區都有啲感情。上星期嚟咗九龍城食西餐，見到呢區自從機場搬離後，少咗人嚟，加上秋意漸濃，當時竟然有啲緬懷過去嘅感覺。今個星期再嚟逛逛，食吓泰國菜。之前喺九龍城都食過幾間泰國餐廳，為咗多啲食客，都會盡量利用空間，擺到幾多枱就擺幾多，環境擠迫。今次見到呢間，門口望入去，好似幾四正寬敞，應該坐得舒服，就決定揀呢間。入面睇果然座位舒適，而且仲有兩層，樓上有間獨立房，入面亦有電視，如果一大班親朋好友嚟就啱晒，可以自成一角。泰式柚子沙律$68 - 啱啱坐底先叫個沙律熱吓身，個沙律疊到好高，份量都幾多吓。鮮蝦大大隻又爽彈，入面就有相當多嘅柚子肉，再加腰果，炸椰絲等配料，口感味道都各有不同。柚子肉酸酸甜甜夠晒開胃，做頭盤就啱晒。鮮蝦大大隻，同柚子肉一齊食，又爽又甜。汁燒原隻魷魚筒$88 - 一上枱都不禁「嘩」左一聲，魷魚相當大隻，燒魷魚會流失好多水分，而家燒完出嚟都咁大隻，可想而知未燒之前隻魷魚係幾咁巨型。魷魚燒到好香，啲汁令到魷魚香甜惹味，魷魚本身亦相當彈牙。想試吓另一種口味就可
之前喺九龍城都食過幾間泰國餐廳，為咗多啲食客，都會盡量利用空間，擺到幾多枱就擺幾多，環境擠迫。今次見到呢間，門口望入去，好似幾四正寬敞，應該坐得舒服，就決定揀呢間。入面睇果然座位舒適，而且仲有兩層，樓上有間獨立房，入面亦有電視，如果一大班親朋好友嚟就啱晒，可以自成一角。
泰式柚子沙律$68 - 啱啱坐底先叫個沙律熱吓身，個沙律疊到好高，份量都幾多吓。鮮蝦大大隻又爽彈，入面就有相當多嘅柚子肉，再加腰果，炸椰絲等配料，口感味道都各有不同。柚子肉酸酸甜甜夠晒開胃，做頭盤就啱晒。
鮮蝦大大隻，同柚子肉一齊食，又爽又甜。
汁燒原隻魷魚筒$88 - 一上枱都不禁「嘩」左一聲，魷魚相當大隻，燒魷魚會流失好多水分，而家燒完出嚟都咁大隻，可想而知未燒之前隻魷魚係幾咁巨型。魷魚燒到好香，啲汁令到魷魚香甜惹味，魷魚本身亦相當彈牙。想試吓另一種口味就可以蘸啲泰式酸甜汁食。
泰式燒牛仔骨$98 - 牛肉係安格斯牛肉嚟，件數都唔少，不過稍嫌肥嘅部份多咗啲。牛肉味濃郁，一定要蘸泰式醬汁，酸酸地帶點微辣，亦有香蔥嘅味道，蘸嚟食先係泰式嗰種惹味又帶啲原始嘅味道。
老闆話啲醬汁唔夠可以再要多啲，咁我唔客氣啦，蘸多啲食啦。
麵包咖哩軟殼蟹$168 - 老闆話呢個多食客叫，果然冇錯，我地坐低就見到有兩枱客都食緊。
麵包都幾大個，有3件軟殼蟹，件數雖然唔多，但都幾鮮味，口感軟中帶點脆。
重點喺啲咖哩汁，其實係咖哩蛋漿嚟，一切開可以清楚見到好多蛋黃漿流緊出嚟，用蛋漿令到成個咖哩汁非常香滑。
唔好浪費啲咖哩蛋漿，用嚟蘸麵包食超一流，雖然個麵包都幾大個，但蘸咖哩蛋漿後又香甜又軟滑，我地兩個人都差不多食晒……
椰汁九層糕$48 - 呢個甜品係熱食，原本應係全部綠色，但老闆話師傅今日興致大發，做埋另一種紫色口味出嚟。
可以清楚見到每一層都層次分明，製作過程都幾花心機，因為係要逐層去鋪，每鋪一層都要預計好時間，否則層與層之間就可能會分離左、或者兩層混埋一齊。
綠色係純正泰式椰汁糕味道，而紫色就有點花香味道。兩種比較嘅話，綠色就甜啲椰汁味濃郁啲，紫色就淡少少但味道特別。口感就同樣係軟腍中帶少少煙靭。記住唔好攤凍食呀。
呢度老闆都幾老實，有食客落單嗰陣叫得稍為多咗啲，老闆會提醒應該夠食唔駛叫咁多。埋單時見到嗰枱人數多又分開幾次落單，會提醒食客CHECK單，又會同食客有講有笑。舊城區果然係有人情味啲~
另外晚上9點後入仲有八五折「電視框」，啱晒夜消磨。
張貼
