山止川行 (已結業)

同朋友係銅鑼灣食晏特登揀一個坐得舒服啲嘅地方喺OpenRice搵到依間餐廳，環境好似唔錯，食物都幾啱口味，一於試試☺️☺️午飯時間人唔多，唔需要等位環境幾舒服，座位寬闊午餐餐牌，有一人、二人同四人餐我哋揀咗精選二人套餐，食物都算幾豐富，而且價錢幾平🤔🤔兩款前菜係由餐廳安排，好彩都係我哋鍾意食嘅嘢☺️☺️蒜泥白肉，豬肉入面夾咗薄薄嘅青瓜增添一份爽口感覺，醬汁唔算好辣，反而有少少甜甜地，好清新尖椒皮蛋尖椒份量非常多，又辣又甜，好過癮酸菜桂花魚好有睇頭😁😁桂花魚份量都幾多，而且厚肉，仲要冇骨！魚肉幾有彈性，非常推薦👍🏼除咗魚之外，個湯微微酸酸地，好順口，好飲，配上大豆芽、白蘿蔔、萵筍等等，口感豐富時蔬竟然可以揀皇帝菜🥰🥰仲可以選擇清炒/上湯/蒜蓉自由度非常高，好抵讚👍🏼皇帝菜幼嫩，夠新鮮，冇渣👍🏼仲有一個蔥爆羊肉都幾有驚喜，羊肉冇乜肥膏成日出街食羊肉都係勁多脂肪，依個相反，啖啖肉，配上大蔥，夠晒惹味套餐有埋甜品，為整餐飯畫上完美嘅句號呢個紅糖糍粑，真係做到流心效果外面非常香脆整體嚟講，餐廳處理食物各方面都好用心，以銅鑼灣嚟講，價錢唔貴，但食物真係唔錯，絕對會再嚟！