Mountain 牛角包窩夫專門店 (已結業)

有次去開深水埗，同朋友行到攰想搵地方食吓嘢坐下，見到呢間好木系嘅Cafe，而且係有我鍾意食嘅牛角包窩夫，就吸引咗我哋走入去，小店職員推介咗我食佢哋新推出嘅「紫戀」牛角包窩夫，窩夫上面鋪滿紫薯蓉，見到時已經忍唔住嘩咗一聲，食落唔太甜，牛角包窩夫暖暖又脆，非常好味😋，紫色窩夫再配埋窗口嘅櫻花背景，真係好襯同好有feel! 除咗食個窩夫，我仲點咗杯「青森蘋果Espresso」，fruity 嘅咖啡配以清新嘅蘋果香，喺埋呢個咁Warm嘅木系環境，真係好舒服，我朋友就點咗杯Black Mountain(黑咖啡) ，小店好有心思，用山形杯，真係好靚，好貼合小店環境，小店職員又好友善，好好傾，坐到我唔想走😆