三冠皇餐廳 (已結業)

下雨，不想到雲吞麵店，故來此與男友晚膳。行過先知原來譚臣道都幾多野食…環境舒適乾淨，有電視睇，唔錯。叫一個晚市套餐($119)同一個飯餐($68)。先來紅蘿蔔湯兩客，好咸，飲左少少就無左。然來上飯餐－－意大利海鮮飯，估唔到用料好足，有兩隻青口，四隻蝦，好多墨魚，飯除左白汁外，芝士味亦好香。意料之外地好食。晚市套餐－－泰式酸辣魚，少辣，魚好大條，兩個人食都幾飽。晚市套餐－－什菌翠肉瓜，本來以為呢碟菜一定萬無一失，點知菌類全部都係苦既，只有翠肉瓜可以食。見其他顧客都有叫密洞雞，好似好好食咁，下次有機會試下。免收加一，總計$187，以環境＋食物份量算唔錯啦。