桔梗 (已結業)

慕名而來, 一直都好多人, 今日終於約好朋友可以黎試桔梗啦。鍾意佢既食物同野飲都同一般cafe唔同。 今日同朋友一齊黎食佢既雙人日式套餐。 相當豐富, 有七食加甜品。天氣咁熱, 我地仲叫左2杯凍飲: whiskey tonic, 酒味唔係太濃, 份量教得啱啱好, 唔怕醉, 非常正。Somerby Elder flower, 配左雜果有d似 fruit punch. 甜甜地都幾好味。 真係好大杯個雙人日式套餐真係好多野食, 如果細食真係4個人食都夠。 炙烤鮪魚佐芥未蛋醬, 烤到半熟。 醬汁多左d有點咸，不過都好開胃。加埋4款前菜, 非常開胃, 又解熱。 本人比較鍾意佢既牛蒡同生蠔。炸雞與酸甜五味醬, 冇韓式既咁肥, 幾大件。熱炒魷魚拌明太子醬, 炒得好爽稔，一點都唔乾。 食到唔停得口。茶漬飯, 分別係三文魚同明太子, 再配溏心蛋。 飯已經好有水準, 冇諗到溏心蛋都唔簡單。 佢個蛋比一般既整得熟, 但蛋黃竟然咁juice, 真係好勁。香蔥檸檬味噌豬腩, 切得好薄, 更加入味好食。最後已經好飽啦，食埋個蜜桃烏龍撻，今餐真係不得了。 冇諗到係咁豐富, 下次真係要多d人再黎食過。