泰閣 (中港城) (已結業)

通常食泰菜都會諗起啲細舖或好大油煙等環境。可能地點關係，呢道就算係尖沙咀都比較少人，同埋佢啲位擺得幾好，枱與枱唔會太近，坐得好舒服，唔會被人嘈親更唔會怕嘈親人。炸蝦餅，基本上係每次食泰菜都會叫。泰式豬脾，平時食泰菜比較少叫黎食，今次試下，好入味，比我想像中淋，有啲似東坡肉嘅口感但係無咁肥膩。呢個醃肉碎生菜包，開頭以為都係同平時出面餐廳食果啲味，但原來佢叫得"醃肉"真係有我處理過，有好香港醬油味，再加上有少少辣，好香口鹹魚炒芥蘭，香口惹味餸飯一流泰式蝦球炒金邊粉，炒得夠乾身牛油酥餅，雖然我地無叫咖哩，但見到隔離枱食呢個我地都忍唔住叫埋一份，真係幾鬆軟最後呢個芒果糯米飯先係戲肉，開頭諗住應該無咩特別，點知係新鮮制造，棷汁又超級香，芒果熟度剛好，所有材料都好新鮮。本身已經好飽嘅我地都好快咁清咗佢。總括黎講，呢道環境同氣份都好好，食飯、飲嘢、傾計都一流。