The Mafe Cafe (已結業)

今日同好耐冇見嘅朋友約咗食飯，揀番個大家都就腳嘅中間點，就嚟咗旺角嘅樓上Cafe食晚餐，好彩呢度都唔算話太迫太多人，我哋七點鐘嚟到都有位，而且成個環境都靜靜地咁，好適合傾計😛😛😛至於嘢食就同普通Cafe食到嘅嘢差唔多，係飲品方面有少少特別，有一個塔羅特飲嘅menu,改咗啲好特別嘅名，不過最後我哋都係飲返啲普通嘅嘢飲，所以唔知道塔羅特飲好唔好味🤔🤔我哋分別食咗忌廉煙三文魚天使麵同埋黑松露忌廉野菌意大利飯，兩碟野嘅份量都適中，味道亦都不過不失😚飲品都唔錯幾好飲，但係就有少少偏甜，下次要問下佢可唔可以少甜先🤘🏻🤘🏻加加埋埋兩個人各自都係食咗百零蚊，不過就坐左成兩三個鐘，傾左好多計☺️☺️