鶴崎居酒屋 (已結業)

地理位置比較僻，主要都係辦公大樓，係咁啱Agent約左我黎佢Office簽野，請埋我食飯先至會入到黎呢到。🥢芥末八爪魚刺身🥢So wasabi！滑溜溜八爪魚幾彈牙，芥末都幾攻鼻，好過癮。🥢白鱔🥢 $45燒物中既最愛就係白鱔，肉質彈形鮮美，魚皮肥腴爽口，不過魚皮可以再燒得焦脆D。🥢和牛🥢 $38牛肉細嫩又juicy，調味不多主要吃原汁原味，比油脂再豐腴D既就更正。🥢北海刺身丼🥢 $118海膽、帶子、油甘魚、吞拿魚、吞拿魚蓉、魚子。海膽同帶子勁甘甜，特別係海膽好creamy，要另叫一份食。🥢鱈場蟹雜炊🥢 $208將米飯加入鱈場蟹煮散，再加入蛋汁。米飯充分吸收哂湯汁，不過令我好驚訝既係重醬油香，味道鮮鹹，仲以為會好清。