正宗印度餐廳及酒吧 (銅鑼灣道)

營業中

休息中

去到大坑呢個咁舒服嘅地方，揀咗一間印度料理食下午茶飲杯野，過返個悠閒嘅下午。香草免治羊肉印度烤餅($38)薄餅好薄身，有少少煙韌，入面有咖喱味嘅羊肉碎，唔使點咖喱汁都已經好惹味，而且份量十分之足夠，兩個人食剛剛好夠飽，非常滿足。鑊仔香料時蔬 ($80)咖喱菜用小窩裝住，下面有蠟燭保持溫度。入面除咗有西蘭花、椰菜花、辣椒、洋蔥，仲有我最喜愛嘅印度乳酪。蔬菜煮得非常入味，又唔會太辛辣，令人一口接一口好快食晒。Plain Lassi ($38)我叫嘅酸奶係無糖嘅版本，雖然冇加糖，但係奶香十足，一啲都唔會覺得淡。口感清爽嘅酸奶，配合濃味嘅咖喱，可以解膩。