哥哥添飯•妹妹泡茶 (已結業)

星期六放工見到隔近開咗間台灣餐廳。「哥哥添飯、妹妹泡茶」一於同🐽🐽去食吓！九層塔鹽酥雞球食台灣嘢必食鹽酥雞細細舊一啖一舊入口鬆脆正呀！起司肉鬆蛋餅蛋餅食落啖啖肉鬆，皮夠薄都幾大件好味。養生花雕鮑魚醉盤呢個set 係星期二、四、六限定🐽🐽話咁岩今日星期六梗係要叫呢個食。一上枱見到成盤野食真係嘩咗一聲！前菜有椒鹽爆溪蝦，蜜糖苦瓜，漬物拼盤主菜、滷肉青菜、白飯同時令水果勁豐富！主菜養生花雕鮑魚醉盤上層：鮑魚蝦同蛋都好夠花雕味下層：啲雞又滑啖啖肉😋😋😋鹽酥豬排拼魯肉飯都係有前菜、滷肉青菜、白飯同時令水果豬排好鬆軟，個魯肉飯好好食🤤黑枸杞檸檬胎菊（左）好特別睇落紫紫色但飲落好有菊花味😆特選水果玫瑰花（右）好多水果既玫瑰花🌹茶兩杯飲品都唔會好甜好飲。