影片
更多
2017-09-22
3379 瀏覽
無諗過星期一晚嘅iSQUARE 竟然可以如此寧靜! 男友鍾情日本菜， iSQUARE 7樓有好幾間日韓餐廳，有丼有燒肉同Shabu shabu &Sukiyaki! 間間都唔洗等位，最後決定去牛陣，貪佢可以任食菜!係~你無睇錯!我哋係主要去食菜多過食肉，真係有d蝕，不過各取所需啦!牛陣來頭都唔細，佢喺日本都係人氣火鍋店，香港都有九間分店架!除咗任食牛肉黑豚肉，仲有幾十款火鍋配料，加埋有任食Haagen-Dazs，食返兩球都夠數啦!餐廳設計走和風簡約路線，牆身間隔都設計成傳統町屋咁，原木色傢俬配紅色坐墊，加上圓形和式吊燈，充滿濃濃嘅日本風，望落好柔和好舒服。飾櫃上放咗好多達摩~我相信呢隻係一隻牛！呢間牛陣坐得幾舒服，一嚟冇乜人，二嚟地方都幾闊落，侍應安排咗我哋兩個人坐四人梳化位。餐廳提供有唔同級數嘅牛肉，除咗有牛味濃郁嘅澳洲上級牛肉，仲有油脂分佈到好似雪花嘅日本和牛，另外亦有高級嘅神户牛。餐廳亦標榜所有和牛都係由日本九州自家牛場提供，保証貨源同質素都係有一定水準。不過價錢都幾大分别，值唔值就睇個人嘞!menu內仲有其他牛肉嘅，對我呢d唔牛人仕，真係唔太識分，大家可以硏究下!由於我同男友都
男友鍾情日本菜， iSQUARE 7樓有好幾間日韓餐廳，有丼有燒肉同Shabu shabu &Sukiyaki! 間間都唔洗等位，最後決定去牛陣，貪佢可以任食菜!係~你無睇錯!我哋係主要去食菜多過食肉，真係有d蝕，不過各取所需啦!
牛陣來頭都唔細，佢喺日本都係人氣火鍋店，香港都有九間分店架!除咗任食牛肉黑豚肉，仲有幾十款火鍋配料，加埋有任食Haagen-Dazs，食返兩球都夠數啦!
餐廳設計走和風簡約路線，牆身間隔都設計成傳統町屋咁，原木色傢俬配紅色坐墊，加上圓形和式吊燈，充滿濃濃嘅日本風，望落好柔和好舒服。
飾櫃上放咗好多達摩~
我相信呢隻係一隻牛！
呢間牛陣坐得幾舒服，一嚟冇乜人，二嚟地方都幾闊落，侍應安排咗我哋兩個人坐四人梳化位。
餐廳提供有唔同級數嘅牛肉，除咗有牛味濃郁嘅澳洲上級牛肉，仲有油脂分佈到好似雪花嘅日本和牛，另外亦有高級嘅神户牛。餐廳亦標榜所有和牛都係由日本九州自家牛場提供，保証貨源同質素都係有一定水準。不過價錢都幾大分别，值唔值就睇個人嘞!menu內仲有其他牛肉嘅，對我呢d唔牛人仕，真係唔太識分，大家可以硏究下!
由於我同男友都唔係食肉獸 ，佢亦唔追求入口即溶，所以我哋只係食$199 黑豚肉+嚴選牛肉套餐(澳洲牛肉)，呢個價錢已經包埋任飲嘞~飲兩罐都已經回本!好酒嘅人仲可以任飲Asahi~
湯底方面有8種，日式清湯、日式喜壽燒、豚骨、麻辣、柚子鹽、蕃茄、咖哩同白雞湯。
我哋今次揀食Sukiyaki 日式喜壽燒，其實Sukiyaki同Shabu shabu 涮涮鍋都好類似，不過Shabu Shabu嘅湯底係清湯同昆布湯，材料以海鮮為主，可以加牛肉；而Sukiyaki係用醬油湯底，味道較甜，材料一定係牛肉，唔會係海鮮。
出面食物bar種類唔算多，而大部分都係蔬菜類，瓜類，菇類等，當中令我最驚喜嘅係有蟲草花同銀芽!同埋近年被譽為superfood嘅羽衣甘藍!羽衣甘藍原産於地中海至小亞細亞一帶，栽培歷史悠久，早喺西元前200年古希臘就廣泛栽培，而家多數喺英國、荷蘭、德國、美國種植，近年更喺美國迅速走紅!一般以西方食法為主，比如做沙律菜、 榨成蔬菜汁、製成奶昔、用嚟整蛋糕，或者烘焙成kale chips等。但如果白灼或炒煮可能會加快營養素嘅流失，所以一般都唔建議加熱食。之前試過食沙律，今次夾咗兩條試下煮熟食，結果係完全唔好食！
落完order 其實好快就嚟咗2牛1豚同飲品，可以2hrs時內無限refill~~不過我哋食晒呢三盤肉都已經夠晒！黑豚肉好薄，放落湯滾一陣就好快熟透，就算滾耐咗都唔會好老！超好味！牛肉無乜特別，同樣好薄好快熟，就算唔熟都可以照食！
d侍應大部分都係超勁普通話嘅阿姐，個個都快手快腳，服務都真係唔錯！順帶一提，今晚除咗我哋兩個，其他大部分都係國內同胞~~
25 瀏覽
0 讚好
0 留言
25 瀏覽
0 讚好
0 留言
跟住就可以出去混醬同夾其他嘢食，大量蟲草花同銀芽！！仲有好滑嘅豆腐，佢既粟米丸同墨魚丸其實都唔錯！可以試下~
38 瀏覽
0 讚好
0 留言
25 瀏覽
0 讚好
0 留言
49 瀏覽
0 讚好
0 留言
37 瀏覽
0 讚好
0 留言
52 瀏覽
0 讚好
0 留言
45 瀏覽
1 讚好
0 留言
題外話/補充資料：
<<有腎病嘅人要注意>>有註冊營養師指，羽衣甘藍鉀質含量高，有腎病/血鉀高嘅人不宜食過量，而食緊薄血藥嘅人都要小心控制食量，因為佢同時亦含有大量維他命K，食過量可能會容易導致出血。
(以上食評乃用戶個人意見 , 並不代表OpenRice之觀點。)
張貼
