川巴面館 (已結業)

有次行下街同朋友想食個下午茶，同埋想飲下珍珠奶茶，但係又唔想企喺條街或者一路行一路飲，所以我哋就搵到呢一間有得食嘢之餘，亦都有得坐低喺度飲珍珠奶茶Hea下，傾吓計咁，上到去環境裝修得好舒服，好輕鬆，人流唔算太多，佢哋係屬於自助形式嘅食肆，所以上到去嘅時候就需要喺櫃檯先購買食物同埋飲料，然後就可以搵個位置坐低等，飲品唔算等得太耐，所以可以一路飲一路傾吓計先，傾左陣計之後，食物終於叫我地啦，佢哋上邊係車仔麵形式嘅川菜面，所以湯底都係選擇左擔擔面湯底，而送亦都有好多選擇，同朋友一人一碗，另外我哋仲叫咗個小食，就係手撕雞，不得不讚佢哋呢個手撕雞入口好味，雞肉嫩滑，份量亦都足夠二人，下次我都一定會再食，另外除咗呢啲食物之外佢哋都仲有好多款選擇，飲品方面都係一般台式飲品，如珍珠奶茶，奶蓋茶，冷泡茶之類等等，最方便嘅就係可以一路坐低享受飲品，一路傾偈，又可以Hea下過下日神，值得推介。👍🏻👍🏻👍🏻