更多
2017-08-27
6480 瀏覽
今晚約咗個老朋友食飯吹水, 位於船街的 DOUBLE TREE 清清靜靜, 是個不錯的選擇。餐廳裝修走簡約路線, 簡簡單單。1.5小時晚餐加任食甜品 ($158), 睇落好吸引, 甜品有六~七款之多, 同朋友商量過後......佢對甜品既自制能力比較弱, 還是叫SET DINNER了。DOUBLE TREE 的晚餐真係包羅萬有, 晚餐包餐湯、前菜、主菜、甜品及飲品各一款, 由數十元至$198不等, 價錢合理, 我今晚就揀咗炭燒安格斯肉眼扒晚餐 ($198)。餐飲 ~ 椰汁紅豆涼粉冰 (餐飲轉+$8)朋友遲到, 行到興合合, 所以就叫咗呢個涼粉冰下一下火, 椰汁味好香, 紅豆煮得腍腍的, 綿綿的, 唔太甜。餐湯 ~ 干邑龍蝦湯除左干邑龍蝦湯, 還可選雜菜湯OR忌廉湯。干邑龍蝦湯頭比較濃杰, 飲唔到龍蝦的鮮香, 湯內有啲洋蔥及蟹柳粒等增口感, 個人覺得鹹咗少少。前菜 ~ 煙三文魚芒果沙沙香甜腍滑的芒果加埋其他果肉粒沙律, 酸酸甜甜就不在話下, 仲有少許新鮮芒果肉喺裏面, 不錯的開胃前菜。炭燒安格斯肉眼扒配薯菜好大塊的肉眼扒, 廚師只係簡單用海鹽及黑椒碎咯醃, 表面燒得焦香惹味。我叫了五成熟
餐廳裝修走簡約路線, 簡簡單單。
DOUBLE TREE 的晚餐真係包羅萬有, 晚餐包餐湯、前菜、主菜、甜品及飲品各一款, 由數十元至$198不等, 價錢合理, 我今晚就揀咗炭燒安格斯肉眼扒晚餐 ($198)。
餐飲 ~ 椰汁紅豆涼粉冰 (餐飲轉+$8)
朋友遲到, 行到興合合, 所以就叫咗呢個涼粉冰下一下火, 椰汁味好香, 紅豆煮得腍腍的, 綿綿的, 唔太甜。
餐湯 ~ 干邑龍蝦湯
除左干邑龍蝦湯, 還可選雜菜湯OR忌廉湯。
前菜 ~ 煙三文魚芒果沙沙
香甜腍滑的芒果加埋其他果肉粒沙律, 酸酸甜甜就不在話下, 仲有少許新鮮芒果肉喺裏面, 不錯的開胃前菜。
炭燒安格斯肉眼扒配薯菜
好大塊的肉眼扒, 廚師只係簡單用海鹽及黑椒碎咯醃, 表面燒得焦香惹味。
我叫了五成熟, 肉汁也算豐富, 肉質帶點鬆軟帶少許咬口, 入口肉味雖然唔係好濃郁, 也算不錯, 至於那個燒汁只是一般的牛肉燒汁, 基於本身肉眼扒已經有黑椒及鹹味, 個人覺得味道己非常足夠。
薯角只係煮熟後略炸, 內裡的薯蓉軟綿綿, 好好食, 最緊要係食完完全唔會覺得熱氣。
甜品 ~ 焦糖燉蛋
傳統焦糖燉蛋, 焦糖薄薄一片, 燒得脆脆的, 燉蛋香滑, 甜度適中。
張貼