百花漁莊 (已結業)

屋企人突然話想飲茶，但係又唔想去啲傳統酒樓一盅兩件，於是去左之前朋友介紹既百花漁莊。餐廳位於QRE28樓，景觀好開揚，因為佢地晚市係做火鍋，所以枱凳都闊落，環境無得彈。潮州蒸粉果餡料非常多，皮唔厚但煙韌，唔會一夾起就穿。古法馬拉糕兒時味道，軟熟熱辣辣，大件抵食。豉汁蒸鳳爪鳳爪蒸既時間控制得好好，唔會太耐，有咬口唔會淋哂，豉汁亦唔會好咸。家鄉鹹水角香脆唔油膩，即叫即炸，食極都唔會厭。燒賣雙拼幾鐘意呢個配搭，可以一次過食哂兩款但唔駛叫兩籠，大大粒啖啖肉。養顏紅棗膏女士至愛，飯後必叫甜品。