廳2 (已結業)

忙到過左lunch time都唔知，唯有搵地方食下午茶，但荔枝角想搵個環境清靜又坐得舒服的地方其實好難。見近地鐵站方便陣間出去見客就試吓呢到，意外地唔錯喎！牛角包熱熱地同煎蛋一齊食，已經慰藉咗我呢啲打工仔的低級願望。如果怕唔飽可以叫牛扒豬扒嗰啲，但我扮減磅所以叫左拼雞翼，好彩啲雞翼同薯條唔會好油，脆脆地都幾好味。份量叫做岩岩好，如果太飽瞓著咗就唔好啦。下次放工都可以搵埋同事試飲兩杯嘅，如果可以放工的話。