影片
更多
2022-11-07
201 瀏覽
OT放工喺公司附近已經冇嘢好食😴，所以搭車出咗旺角醫肚仔。我哋見金雞廣場有間「點心到MIX·大排檔」收得夜，就一於幫襯吓。餐廳人氣好高，集合唔同年齡層嘅客人，夜晚十點幾都坐滿一半人👏。呢度環境幾四正，座位闊落，光光猛猛，冷氣充足。原本我以為餐廳全日都有賣點心，但原來只限日頭，佢夜晚就會化身成為大排檔，主打小菜🥢。餐廳定價屬正常水平啦，介乎茶餐廳同酒樓之間，不過勝在大大碟！蜜椒牛柳粒($108)，🐮牛柳粒好掂，色香味俱全，賣相吸引。菜式調味相當惹味，帶黑椒嘅辛辣，但同時又有蜜糖嘅甜。🥩牛柳大大粒，有接近廿粒，而且質素唔差，肉味濃郁，肉質軟腍。🥖薯仔似乎有先煎香再炒，所以外脆內軟；最後仲有三色燈籠椒同洋蔥等一齊爆香，索咗唔少汁，如果配白飯食一流。龍門鴛鴦炒米($77)，🥘我無概念鴛鴦炒米係點樣，以為係鴛鴦炒飯啲Friend，有兩隻汁，但原來係指炒米粉拼炒粉絲🍜！估唔到兩樣撈埋一齊食都幾夾，炒米炒得夠鑊氣，麵質爽彈唔油膩。佢味道偏清淡，同牛柳粒啱啱相反，互補優勢。除此之外，餐廳仲用足料炒，有成十幾隻蝦🦐、叉燒、蛋同芽菜等，誠意度十足。杏汁燉白肺湯($45/盅)，湯品最重要係夠熱🔥，佢堅係滾熱
OT放工喺公司附近已經冇嘢好食😴，所以搭車出咗旺角醫肚仔。我哋見金雞廣場有間「點心到MIX·大排檔」收得夜，就一於幫襯吓。
餐廳人氣好高，集合唔同年齡層嘅客人，夜晚十點幾都坐滿一半人👏。呢度環境幾四正，座位闊落，光光猛猛，冷氣充足。
原本我以為餐廳全日都有賣點心，但原來只限日頭，佢夜晚就會化身成為大排檔，主打小菜🥢。餐廳定價屬正常水平啦，介乎茶餐廳同酒樓之間，不過勝在大大碟！
蜜椒牛柳粒
$108
17 瀏覽
0 讚好
0 留言
龍門鴛鴦炒米
$77
12 瀏覽
0 讚好
0 留言
杏汁燉白肺湯($45/盅)，湯品最重要係夠熱🔥，佢堅係滾熱辣送出，正啊。杏汁豬肺湯煲至奶白色🐷，飲得出無落味精，幾清潤；但可能由於落咗雞肉一齊煲，就有啲啲油。燉湯而言佢真係唔算貴，買湯包返屋企飲都差唔多價。
總括嚟講，想喺舒服環境下嘆大排檔風味美食，我高度推介呢度👍。餐廳嘅廚師手勢好，食物出品比唔少中菜館還要出色，兼且真係還原到大排檔嗰種即炒鑊氣😝。
張貼
