Blue Monday當然要食好嘢！！！所以你見到我地叫左好多野食
首先黎個嘢飲，椰子沙冰～佢又唔係完全都係冰，舒服！下一個到嘅係咖哩蟹配薄餅，薄餅要另外加架！軟殼蟹應該冇咩炸漿，所以係好單純嘅蟹，大隻嘅。至於咖哩...有少少失望，咖哩味唔重，質地都出左d事，係有d似炒滑蛋咁，唔係流質嘅......下一個係拼盤，依個就唔錯啦！好多款式，唔係普通個d魚餅蝦餅，真係有豬頸肉呀串燒呀，足料嘅！另外嘅蜆煲呢，就見仁見智啦，點解咁講呢，因為佢味道比較多層次，比較複雜，首先會食到椰子嘅甜味，跟住就有香茅嘅香味，又甜又鹹咁，係有趣嘅
椰子肉都好滑，個湯就好似椰子水咁。最後黎個芒果糯米飯～之前朋友已經打左電話問餐廳有冇生日牌仔提供，有牌仔但係冇蠟燭，如果大家去慶祝生日就要留意啦！好搞笑係，我地想問侍應幫手影相，等極都冇人黎...所以最後自拍算哈哈哈！
