今次揀左個有驚喜既地方呀！佢個logo設計好靚呀！
門口既裝修比人既感覺好舒服，唔似係銅鑼灣鬧市中！第一感覺已經好好！同朋友二個人黎，可以慢慢食野仲可以暢談暢談！
生熟牛肉河-都幾大碗下！份量都好足！第一啖當然試下個湯底先啦，清甜好有肉味既湯底！無味精，河粉質感係我鐘意既，牛肉質素亦好高！加上芽菜同生洋蔥，口感豐富，有多層次既口感同味道，全部放埋一齊好夾！
牛肉決無hea你，就咁睇都知質素好！仲有二款不一樣既牛肉！
老闆娘炒米-好野味，味道濃郁，炒得乾爽，仲有彩椒，豬頸肉，蔥，好香口，唔會太油，旁邊既酸蘿蔔都好好味呀！
我地仲加左個越南春卷，熱辣辣，好脆味，入面既料好豐富，唔乾身，有汁家，加上佢既醬汁，酸酸甜甜咁！仲好味，早知叫多條食啦！
