上海婆婆336 (iSQUARE國際廣場)

我諗都冇乜人未食過上海婆婆🙂，有日喺尖沙咀想搵間企理又好坐🤔嘅餐廳食飯，一於揀isquare嘅上海婆婆336😃。

唔想煩一於食商務四人餐🫂🫂，價錢690蚊都幾抵🤫！

頭盤四小拼有小排骨、烤麩、肴肉同竹荀。烤麩甜甜地而且好煙韌，係好開胃嘅前菜☺️！肴肉夏天食就爽曬😆，冰涼好似啫哩咁但係又有肉味。

四小拼

上海小籠包🥇水準有保證，皮薄餡靚多汁，絕對有上海水準🏆！

上海小籠包

砂鍋雲吞雞湯底濃香🐔，雞肉又唔會好柴，煮得啱啱好！菜肉雲吞就粒粒好飽滿，令人好鬼滿足♥️！

砂煲雲吞雞

野生椒牛仔肉睇落唔大碟，牛肉🥩非常多。

野生椒牛仔肉

韶山剁椒魚片食到魚嘅香滑又食到剁椒嘅香辣🔥。

韶山剁椒魚片

宮保雞丁唔辣嘅，適合香港人口味送飯一流🍚。

宮保雞丁

最終仲有一個必食嘅豆沙鍋餅！當時都食到差唔多九點，個鍋餅仍然係新鮮出爐🍽️，好有誠意🎖️！外脆內軟為呢一餐飯或上完美句號🎊！

豆沙鍋餅

上海婆婆336呢啲抵食又好味嘅餐廳，大家就留港消費多多支持啦👏！