影片
更多
2019-09-16
145 瀏覽
#素一 (銅鑼灣)銅鑼灣謝斐道535號Tower 535地庫B04號舖-----最近中秋食得冰皮月餅多（幾乎一日兩個）食到覺得自己成個人都好heavy 所以同朋友出街食飯就特登揀間素食餐廳 等自己可以食多兩條菜 會自我感覺良好D😆呢間餐廳裝修感覺現代化 配色行高貴典雅風 燈係玫瑰金色 牆身則以淡綠淡紫同白色為主 座位幾寬闊好坐 好適合約朋友傾計食飯😜-#燒菠蘿：香甜多汁 質感脆身 無咩渣 😊-#親子花之戀/三文魚壽司/玉子芝士壽司：場內有好多素壽司 造型幾可亂真 好得意 打卡一流 三文魚係以鹹蒟蒻製成 口感幾爽口幾有趣 不過畢竟係素 唔好以真三文魚味道黎作量度標準 呢個已經算係有gimmick得黎 味道唔差-#薯仔沙律：必食之選 薯仔夠蓉得黎又帶少少薯仔粒 口感不錯 質感扎實 味道調得好完美 令人欲罷不能 B仔一共食左5小碗（容易飽嘅朋友仔千祈唔好學呀）😂-#薑醋蛋：味道酸甜醒胃 非常入味 醋味夠濃 而且滋補養生 又係必食之選-#上海烤麩：由於烤麩製作過程頗費時 通常上海菜食四喜烤麩都唔平 幾廿蚊 得個幾粒 呢度有得任食 而且好味 所以B仔都食左唔少-#冰鎮咕嚕肉：晚市先有附送 唔係任
銅鑼灣謝斐道535號Tower 535地庫B04號舖
-----
最近中秋食得冰皮月餅多（幾乎一日兩個）食到覺得自己成個人都好heavy 所以同朋友出街食飯就特登揀間素食餐廳 等自己可以食多兩條菜 會自我感覺良好D😆呢間餐廳裝修感覺現代化 配色行高貴典雅風 燈係玫瑰金色 牆身則以淡綠淡紫同白色為主 座位幾寬闊好坐 好適合約朋友傾計食飯😜
-
#燒菠蘿：香甜多汁 質感脆身 無咩渣 😊
-
#親子花之戀/三文魚壽司/玉子芝士壽司：場內有好多素壽司 造型幾可亂真 好得意 打卡一流 三文魚係以鹹蒟蒻製成 口感幾爽口幾有趣 不過畢竟係素 唔好以真三文魚味道黎作量度標準 呢個已經算係有gimmick得黎 味道唔差
-
#薯仔沙律：必食之選 薯仔夠蓉得黎又帶少少薯仔粒 口感不錯 質感扎實 味道調得好完美 令人欲罷不能 B仔一共食左5小碗（容易飽嘅朋友仔千祈唔好學呀）😂
-
#薑醋蛋：味道酸甜醒胃 非常入味 醋味夠濃 而且滋補養生 又係必食之選
-
#上海烤麩：由於烤麩製作過程頗費時 通常上海菜食四喜烤麩都唔平 幾廿蚊 得個幾粒 呢度有得任食 而且好味 所以B仔都食左唔少
-
#冰鎮咕嚕肉：晚市先有附送 唔係任食 咕嚕肉外形非常像真 外皮炸得熱辣辣且非常香脆 入面係雞髀菇黎 調味得當 一D都唔輸真咕嚕肉😋
-
#芋圓椰汁西米露：芋圓質感稍為太淋身左少少 不過椰汁椰味香濃 而且用左需要較高烹煮技巧嘅大西米代替小西米 幾特別幾有心思
-
除左上面提及過嘅食物之外 仲有更多其他選擇 例如 金沙炸鮮冬菇 沙爹羊肉串 香煎腐皮卷 素雜錦薄餅 日本番薯仔 百香果啫喱 素熏魚 牛油果手卷 炸饅頭 豆漿 麻醬豆腐 醬油炒河 雜菌素蝦 茄子四季豆 煙肉雲耳炒沙葛 綠豆沙 白胡椒咸菜涼瓜 同支竹蘿蔔紋牛腩 等等 整體黎講 食物選擇唔算極多 但亦唔少 質素基本上都達中上水平 外形亦做得頗為精緻😄
-
♥︎價錢：
➳ 午市(75分鐘/早上11至下午2：30)：
星期一至五$78；星期六日及公眾假期$98
➳ 下午茶(90分鐘/下午2：30至下午4：30)：
星期一至五$68；星期六日及公眾假期$78
➳ 晚市(90分鐘/晚上6至11)：
星期一至五$168；星期六日及公眾假期$188
-----
👶🏻B仔整體評價：7.9/10個👍🏻
👶🏻B仔抵食程度：7.5/10個👍🏻
👶🏻B仔環境評分：8/10個👍🏻
👶🏻B仔味道評分：8/10個👍🏻
👶🏻B仔回頭機會：8/10個👍🏻
-----
#swallowhongkong
☺️快D跟住B仔一齊吞食香港啦！🤤
#swallowcwb
張貼
