影片
更多
2025-04-06
502 瀏覽
今次我約左朋友去佐敦果邊九龍佐治五世紀念公園踢波，我老婆好好話過黎睇我踢波，我就陪佢食飯，佢就揀左間係球場隔離既打卡餐廳，唔怪得黎睇我踢波啦⚽️餐廳地方唔算大，環境好有歐洲味道，仲有個半室外既陽台位，呢個位打卡一流，依家天氣涼涼地勁舒服☺️Steveston（$148）呢個餐係類似一個all day breakfast既餐，佢包括有美式班戟，自家製早餐豬柳扒，鮮茄汁焗豆，薯仔沙拉，加多隻蛋，賣相係勁靚，自家製既厚切豬柳係唔同，裡面充滿肉汁，4塊小小既熱香餅勁香，食完好味到翻唔到轉頭，薯仔沙律係個煎香左既薯蓉，味道幾好🥞🍳🥗New York（$180）呢個餐就相對冇咁豐富，以為會唔夠飽，其實佢份薯仔沙律成座山咁高咁撐起d牛肉，個自家製美式鹹牛肉加埋d醬汁同酸瓜，酸酸地又鹹咁幾夾，最緊要連埋個薯仔沙律同包食，咁先中和到個味，令到更好食🥖Latte（$40）熱Latte有埋拉花，拉花整得幾靚，味道都係coffee shop應有既水平☕️鐵觀音朱古力（$60）鐵觀音朱古力呢個做法好創新，佢朱古力味比較濃，再帶有微微既鐵觀音茶香，幾清新既感覺🍵🍫呢間餐廳環境真係一流，如果係中午過黎可以hea足一日，勁
餐廳地方唔算大，環境好有歐洲味道，仲有個半室外既陽台位，呢個位打卡一流，依家天氣涼涼地勁舒服☺️
Steveston（$148）
呢個餐係類似一個all day breakfast既餐，佢包括有美式班戟，自家製早餐豬柳扒，鮮茄汁焗豆，薯仔沙拉，加多隻蛋，賣相係勁靚，自家製既厚切豬柳係唔同，裡面充滿肉汁，4塊小小既熱香餅勁香，食完好味到翻唔到轉頭，薯仔沙律係個煎香左既薯蓉，味道幾好🥞🍳🥗
New York（$180）
呢個餐就相對冇咁豐富，以為會唔夠飽，其實佢份薯仔沙律成座山咁高咁撐起d牛肉，個自家製美式鹹牛肉加埋d醬汁同酸瓜，酸酸地又鹹咁幾夾，最緊要連埋個薯仔沙律同包食，咁先中和到個味，令到更好食🥖
Latte（$40）
熱Latte有埋拉花，拉花整得幾靚，味道都係coffee shop應有既水平☕️
鐵觀音朱古力（$60）
鐵觀音朱古力呢個做法好創新，佢朱古力味比較濃，再帶有微微既鐵觀音茶香，幾清新既感覺🍵🍫
呢間餐廳環境真係一流，如果係中午過黎可以hea足一日，勁舒服優雅既感覺，食物亦都好配合個環境，成個feel好relax🥰
張貼
