淳吟居酒屋 (已結業)

地點比較偏僻嘅小店，但對於揸車人士來講，泊車就相對容易啦。呢度食物嘅選擇好多，除咗MENU上嘅嘢食之外，牆身都掛咗啲期間限定。呢個炸魷魚，我最欣賞就係佢個他他醬，酸酸味味好開胃，減低炸魷魚嘅油膩感，同時帶俾食客新鮮感。淳吟海鮮卷，見佢用餐廳名命，就覺得必定要試吓。免頭有魚子、金箔、海膽，入面有啲吞拿魚茸，食材新鮮，呢個價錢大大舊，又有咁高質嘅餡，性價比高。跟住就試吓其他居酒屋比較少見到嘅菜式：軟綿蝦夷鹿肉漢堡扒配味增茄子。雖然都係漢堡，但係質感好特別，真係軟綿綿，味道個人覺得送飯一流。而呢個黑毛和牛牛雜，主要就食到牛腩同牛筋，甜甜地幾特別。最後，去居酒屋搞唔少得食串燒啦，好欣賞佢嘅串燒，價錢同份量成正比，鍾意佢嘅厚切牛舌同黑豚五花腩，燒得香脆得來又鎖住肉汁，正。