蓮香棧 (已結業)

之前新開的時候總係勁多人等位，到近期開始少人d，所以就黎試一試。佢係要自己入去揾拉，好耐無試過咁。當然要自己去下碗筷先。叫野食就有兩種方式，有d姐姐會一邊推住車仔一邊問你食唔食。咁我地就先叫左咸水角、春卷。野食都幾熱辣辣，同都幾脆口。而另一種方式就係叫人點菜，我地本來叫左牛腩炒麵，但點知變左牛腩飯，雖然味道都幾好味。但我個人認為如果可以保留更多舊式的做法會更有感覺。同埋我覺得有d名過其實，雖然味道可以，但就同想像有所出入。