幸福粥店 (已結業)

今朝起身陰陰凍咁，諗住去食啲熱辣辣既野，兜兜下就望見間粥鋪。搬左黎成年都知有呢間野，不過見佢得幾張枱，門口有好多人所以好多次都卻步了。食食下先知原來樓上仲有位，下次可以上去睇睇有無位，因為樓下都好迫下。叫左碟白腸粉，甜醬麻醬自己落。腸粉好滑，唔厚，食落有啲煙韌。另外佢地有賣豬潤腸，搵次黎要試試，因為唔多地方有得食。仲叫左碗豬潤粥，啲粥好綿，加上豬潤所以令到個粥好甜，豬潤亦都好爽，同埋我食呢碗都有唔少豬潤。