南記冰室 (已結業)

早上經過呢間新開嘅南記冰室， 見到佢裝修幾特別真係好有舊時冰室嘅特色， 就衝咗入去食個早餐。叫咗個沙爹牛肉米配炒蛋厚多士加杯茶走， 覺得沙爹牛肉嗰個醬汁係幾好食嘅， 佢嗰張係幾惹味，牛肉都juicy ，但炒蛋厚多士就麻麻哋， 炒蛋比較乾身一啲都唔滑， 多士係凍冰冰嘅 茶走係甜到爆， 不過如果你鍾意懷舊冰室 ，入嚟食下嘢感受懷舊氣息都ok嘅。其實佢主打有其他小菜， 都有午分同晚市， 見佢個菜單一般都係七八十蚊一個小菜， 都有興趣試下佢嘅小菜好冇食， 不過就要約埋班朋友一齊嚟會好啲。