影片
更多
2019-01-23
901 瀏覽
今日同女朋友去旺角新建嘅商場TOP，行到肚子餓嘅時候見到呢間以AP鴨既Cafe，女朋友冇話特別鍾意AP鴨，不過難得見到一間咁特別嘅cafe，仲要係全球首間限定既AP鴨cafe，所以入咗去食午餐。無論餐牌、枱、牆身、都可以見到AP鴨，自己望望下又真係發覺幾得意。首先我地叫咗和風博多明太子意粉，明太子分量真係超多，撈勻之後每一啖意粉都有明太子，非常惹味，意粉軟硬程度亦啱啱好。之後叫咗雜菜薯餅漢堡配薯條。漢堡包面印上AP鴨嘅樣，木砧板上亦有AP鴨既樣，連裝薯條嘅紅色桶亦見到AP鴨既樣，呢刻我腦海裏亦只得A P鴨。呢個漢堡除咗鬆軟既漢堡扒之外，仲有雜菜同薯餅，薯餅令我喜出望外。近排香港興起一股梳乎厘班戟潮。難得餐廳有疏乎厘班戟，我哋當然唔可以放過，所以叫咗捉迷藏梳乎厘班戟，但製作需時，需要30分鐘。上菜講下果然冇令我失望，賣相非常吸引。味道方面，蛋味香濃，比較厚實，但仍有一定空間感嘅質感，班戟上面嘅鮮忌廉不太甜，令整體唔會太膩。旁邊嘅餅仔亦不錯。最後仲叫咗杯凍山下水果茶，可謂非常足料，入面有多款唔同水果，茶味亦算香濃，甜度亦適中，值得一試。值得留意嘅係餐廳有最低消費同用膳時間！走嘅時候發覺自己
無論餐牌、枱、牆身、都可以見到AP鴨，自己望望下又真係發覺幾得意。
首先我地叫咗和風博多明太子意粉，明太子分量真係超多，撈勻之後每一啖意粉都有明太子，非常惹味，意粉軟硬程度亦啱啱好。
之後叫咗雜菜薯餅漢堡配薯條。漢堡包面印上AP鴨嘅樣，木砧板上亦有AP鴨既樣，連裝薯條嘅紅色桶亦見到AP鴨既樣，呢刻我腦海裏亦只得A P鴨。呢個漢堡除咗鬆軟既漢堡扒之外，仲有雜菜同薯餅，薯餅令我喜出望外。
近排香港興起一股梳乎厘班戟潮。難得餐廳有疏乎厘班戟，我哋當然唔可以放過，所以叫咗捉迷藏梳乎厘班戟，但製作需時，需要30分鐘。上菜講下果然冇令我失望，賣相非常吸引。
味道方面，蛋味香濃，比較厚實，但仍有一定空間感嘅質感，班戟上面嘅鮮忌廉不太甜，令整體唔會太膩。旁邊嘅餅仔亦不錯。
最後仲叫咗杯凍山下水果茶，可謂非常足料，入面有多款唔同水果，茶味亦算香濃，甜度亦適中，值得一試。
值得留意嘅係餐廳有最低消費同用膳時間！
走嘅時候發覺自己有少少鍾意咗AP鴨😂
張貼
