禾彩日本料理

營業中

休息中

阿爸呢個星期生日，原本度左諗住成家去灣仔某間餐廳食中菜，點知屋企有人被公司局住唔得閒去，結果得番我同阿爸兩個食人。其實住得南區都知呢間非連鎖日式料理既小店來歷，但開左咁耐今次係第一次就到時候去。專登等晚市6點開門去，鋪頭員工準備好已經有唔少客入左去，過左15分鐘已經滿座，因為只得三十幾個位左右。員工都好好，見有啲客如果拎啲個人物品唔方便，佢地可以幫你拎入去放好唔使阻住路同阻住食野。今晚叫左3份三文魚刺身（$49/4切），炒野菜，燒鯖魚，鰻魚蛋飯同雞扒蕎麥麵。刺身冇影相，不過呢間鋪啲刺身一向係厚切，壽司份料都係長餡，所以其實幾大件抵食，今晚啲刺身都好鮮同好肥。望到隔離左近啲甜蝦同帶子都ok。鰻魚蛋飯啲洋蔥好香，蛋汁都做得好好，唔會太咸。炒野菜唔會太乾，濕炒唔錯。蕎麥麵個湯底係咁多樣最清淡既，麵幾彈牙，浸耐左食唔會發漲同淋晒。雞扒就入味又唔太肥，係個照燒汁淡左少少。整體上菜速度如炸物或者照燒雞扒可能要等下，但普遍食品上菜都快，如飯，鍋物，員工執拾食完既碟同加茶都會方便時候會主動見到幫你。希望小店能繼續經營落去，畢竟都維持左超過十幾20年。