九井壽司 (已結業)

講起高速線壽司，大家都不期然會諗起某間連鎖壽司店，不過九龍灣megabox都有一間「九井壽司」，食店運作方式同某連鎖店真係好相似呀！光顧時間是周日晚上6點左右，已經要取飛等候，食店位置商場9樓，可以說是小朋友的玩樂天地，所以店外都有不少兒童玩樂設施及遊戲機等，食店亦有送汽球給小朋友，呢點係值得一讚嘅！等咗大約20至25分鐘，終於可以入內，點餐至送餐整個運作方式跟連鎖店一樣，用平板電腦點餐（不過此店電腦固定，不能移動，較不方便），送餐則用上下兩層運送帶傳菜。食物選擇方面，相比起連鎖店，九井壽司的食物選擇相對較少，價格亦較貴！不過有一款親子迷你丼（20元/碗）則價格相宜，但不少每次都能點，有時店員會話售罄！？除了親子迷你丼外，還叫了日式叉燒烏冬、玉子手卷、三文魚加洲卷、玉子小卷、蟹柳小卷、海蜇、燒蕃薯仔、沙律。食物味道整體表現不過不失，價格雖然較連鎖貴，不過份量都多少少，不過整體壽司飯鬆軟，一夾或未夾就散！值得一提嘅係，每order 4款食物就有一次抽獎機會（直接喺平板電腦玩），但未必中，我們抽3次，中1次，中左包Qoo的蘋果汁（都算好嘅，笑！）。