紅花會 (已搬遷) 新店位置

本想再惠顧佢抵食套餐，原來無咗單人套餐及點心，考慮單點，但一個菜都差不多＄200,不如食2人套餐＄248，我喜歡食辣，奈何好易上火，成日都污嘴狗(咀角周圉生瘡)，我本想唔食，老細話抵食，就食，坐係出菜位，見到大部食客，都係叫此套餐。 老火湯～鯪魚煲老葛，夠老夠濃無肥油。 香油萵笋絲，油光翠絲味爽甜。 第一度搏鬥青椒～椒汁鮑魚， 貝帆滿載招招鮮，顏色賣相有心思，鮑魚細薄片，份量一隻，當然少，伴大量青椒片（有子）， 辣度還顶住，舌頭仍可感受鮑魚彈牙鮮甜。 麻辣豬耳絲，紅油染指豬絲陣，看辣椒粒及红油知勁嘢，食2條，要收口，要留力下一站！ 麻婆豆腐，血紅火山浮白雲，豆腐滑溜好比豆花，花椒麻香，葱花提香，我真想計續，頂唔住，為有用水冲其身，才可計續食。 乾煸四季豆，青綠棍上點點红，正，乾身爆香，有鑊氣，红椒散微辣，接受其辣，仍可保持豆鮮甜。 老壇酸菜魚，五味口中齊擊盪，套餐一樣大大盤不會少，正價要4百幾，桂花魚大大片厚身，是否經過酸辣湯滖過特別滑及鮮甜，湯有酸菜大豆芽菜蒜子蓮藕薯粉，味足，料足，湯實咗又酸又辣，但其實真好好味，來到此站要扯白旗投降！變咗呻脷犬！ xo醬海皇炒絲苗，問可否轉白飯，侍