塚田農場 (已結業)

之前食過尖沙咀分店，原來佢有好幾間分店架，今日Happy Friday放左工同美人去觀塘食飯就食觀塘嘅塚田農場。去到要等一陣先有位，入座計90分鐘！🕢見佢個美人鍋好吸引，原來係一人一鍋。疫情下咁樣食火鍋法最衞生！仲可以每人揀自己想要嘅湯底。叫左骨膠原同忌廉蕃茄湯，個骨膠原湯好特別呀，一開始係個啫喱咁慢慢溶解🤩套餐包2款免治雞肉、飯/麵、2款肉、美人生春卷、三色刺身盛合&蔬菜盛合，而且有自助飲吧！蔬菜盛合好多款🥦🥬🥒🫑🍅🌽自助飲吧除左有一般嘅紙包或罐裝飲品外，仲有餐廳自家制嘅水果茶同特飲！成個bar個佈置都好fresh 同 colourful🍹而且醬料bar有成12款，仲要係非主流醬料，好多都值得試！我嘅心水就分別係自家製黑麻油同自家製日本京蔥辣油🥄另外叫左兩樣野醃銀帶鯡魚茶葉天婦羅——炸粉比例剛好👍🏻溫馨提示要趁熱食 & 椒鹽點少少夠啦！本身鯡魚已帶魚鮮味～明太子梳乎厘玉子燒🍳——非常出色！令我諗起係🇯🇵福岡屋台食嘅明太子玉子燒！好fluffy & 熱辣辣！最滿意嘅一道菜🥢真係被佢個梳乎厘玉子燒impressed左😛 下次再食嘅話試下佢啲小食/燒物/定食先😌