影片
更多
2016-01-17
373 瀏覽
今日lunch去北角做嘢，做完嘢之後諗住搵男朋友一齊食嘢，於是走去open rice搵餐廳，見到其中一間叫做Alize Noire de Nova嘅餐廳，於是就決定去試吓，餐廳裝修好華麗，而且好大，座位亦都很多，感覺十分舒服，入到去之後，一坐低， 侍應就即刻遞上餐牌，餐牌金色的，十分高貴，封面上寫上餐廳的名字和簡單的圖案，令人賞心悅目， 揭開一體，寫住lunch Menu , A 至 H餐任揀，選擇十分多，另外一邊就寫住afternoon tea，我哋分別order咗兩個燒紐西蘭牛肉眼扒配紅酒，分別是五成熟和七成熟。於是就靜心等待侍應送上食物，餐廳上除咗裝修十分別致，仲有吧枱，而且可以俾人掟標，餐廳上的人未算多，可以靜靜地傾計。我就order左一個咖啡同埋忌廉湯。侍應為我們送上麵包配上牛油。麵包冇經過烤製，所以唔會燶，但係十分鬆化。 個忌廉湯味道十分濃郁，但係又唔會太過鹹。忌廉湯入邊有啲蘿蔔，十分香口。直情想再order多一個再飲。過咗一陣，侍應就送上肉眼牛扒，未食已經聞到十分香，旁邊有粟米粒，薯角，賣相十分吸引，而且size也很大。用刀切落去果下，十
今日lunch去北角做嘢，做完嘢之後諗住搵男朋友一齊食嘢，於是走去open rice搵餐廳，見到其中一間叫做Alize Noire de Nova嘅餐廳，於是就決定去試吓，餐廳裝修好華麗，而且好大，座位亦都很多，感覺十分舒服，入到去之後，一坐低， 侍應就即刻遞上餐牌，餐牌金色的，十分高貴，封面上寫上餐廳的名字和簡單的圖案，令人賞心悅目，
揭開一體，寫住lunch Menu , A 至 H餐任揀，選擇十分多，另外一邊就寫住afternoon tea，我哋分別order咗兩個燒紐西蘭牛肉眼扒配紅酒，分別是五成熟和七成熟。於是就靜心等待侍應送上食物，餐廳上除咗裝修十分別致，仲有吧枱，而且可以俾人掟標，餐廳上的人未算多，可以靜靜地傾計。我就order左一個咖啡同埋忌廉湯。侍應為我們送上麵包配上牛油。麵包冇經過烤製，所以唔會燶，但係十分鬆化。
個忌廉湯味道十分濃郁，但係又唔會太過鹹。忌廉湯入邊有啲蘿蔔，十分香口。直情想再order多一個再飲。過咗一陣，侍應就送上肉眼牛扒，未食已經聞到十分香，旁邊有粟米粒，薯角，賣相十分吸引，而且size也很大。用刀切落去果下，十分容易切開唔會太硬，肉味十分濃郁和新鮮。lunch食呢個就夠晒飽，十分滿足。
飲品方面，叫咗一個咖啡，外貌也十分吸引，而且咖啡味濃郁，又唔會太苦，簡直為lunch添加左精神。食時所有嘢之後，加多＄15 ,就可以嘗試到今日餐廳推介嘅甜品,係一個香蕉蛋糕配朱古力雪糕，淨係聽個名都覺得好好食，送上甜品的時候，見到賣相都好靚，略嫌不足嘅係就size太小了。
香蕉蛋糕味道好香口，有別於出邊食嘅香蕉蛋糕，感覺師傅十分用心製造，令人回味無窮，另外朱古力雪糕吃落去果下就唔似雪糕的感覺，有少少creamy同埋苦苦地的感覺，十分特別。
總括嚟講，餐廳環境，食物，侍應的服務態度都非常良好，香蕉蛋糕下次可以再試。同埋可以在試試餐廳裏其他嘅美食。
19 瀏覽
0 讚好
0 留言
張貼
