牧羊少年咖啡館 (德福廣場1期)

營業中

休息中

牧羊少年咖啡館位於九龍塘德福廣場，交通便利，餐廳以木質簡約設計為主，面積都幾大，吧枱、卡位梳化小圓枱都可以選擇，環境舒適悠閒，仲有大大隻書櫃，比你扮吓文青打個卡。自由自在1人套餐非常抵食，套餐包括紅酒燴牛面肉伴薯蓉配烤澳洲西蘭花，這道菜牛肉軟嫩，紅酒搭配得好好，提升咗牛肉嘅口感，搭配薯蓉和烤西蘭花，令味道層次豐富。小食配三隻是拉差醬雞翼，微辣惹味，外皮香脆，雞肉嫩滑。另一個套餐選擇是冬蔭功海鮮長通粉，長通粉掛汁，軟硬適中，海鮮新鮮，最鐘意佢個冬蔭功香味，湯底酸辣開胃。希臘沙律伴初榨欖油意式黑醋汁清爽可口，賣相出色。嘢飲系凍溫煮桂花黑糖茶同冰水果茶，清香怡人又爽口，配上Haagen-Dazs雪糕同是日蛋糕紅絲絨蛋糕則鬆軟濃郁，甜而不膩。