影片
更多
2017-07-30
699 瀏覽
難得今日同另一半行完悟恫寨睇瀑布後，拖住筋疲力盡既身體經過元朗形點，決定大刷一餐 補充體力。睇見牛陣午市60分鐘放題100蚊有找就挑一挑戰佢！60分鐘以放題黎講係完全唔夠，唯有與時間競賽先可以回本。蔬菜同各種丸類都可以自己出去bar枱自取。今次我就主攻肉類，女友就主攻菜類，一文一武 天衣無縫。菜類都有好多唔同既選擇，生菜、哇哇菜、蕃茄、蓮藕，應有盡有。一眼望落都尚算新鮮乾淨。另外亦都有少量既丸類 如芝士腸 蟹子丸，但由於唔係我地目標之一，所以我地都放棄左呢一區。另有醬油區，食客可以自己調配「混醬」。我地就點左清湯湯底，唔需要太多花巧既湯底，清清地 有時都係另一種食用享受。湯底一到，二話不說，小二！豚肉 肥牛 各黎兩客！豚肉 呈淡淡粉紅色，略帶小小肥脂，賣相十分唔錯，最怕有d店鋪 呈上黎果陣已經去晒冰 血淋淋，呢間牛陣未見呢種情況，尚算加分。相比之下 肥牛呈鮮紅色，油脂分佈亦都較多，賣相亦都不俗。牛肉味濃，但油脂香仍然略嫌唔夠。但以放題任食既質素亦都唔可以要求太多既。女友係bar枱拎左大量蔬菜，呢到只不過其中一小部分，放題既好處就係可以任你食，食起上黎都唔洗就住就住。老實地講，60分鐘放
睇見牛陣午市60分鐘放題100蚊有找就挑一挑戰佢！60分鐘以放題黎講係完全唔夠，唯有與時間競賽先可以回本。
蔬菜同各種丸類都可以自己出去bar枱自取。今次我就主攻肉類，女友就主攻菜類，一文一武 天衣無縫。
菜類都有好多唔同既選擇，生菜、哇哇菜、蕃茄、蓮藕，應有盡有。一眼望落都尚算新鮮乾淨。
另外亦都有少量既丸類 如芝士腸 蟹子丸，但由於唔係我地目標之一，所以我地都放棄左呢一區。
另有醬油區，食客可以自己調配「混醬」。
我地就點左清湯湯底，唔需要太多花巧既湯底，清清地 有時都係另一種食用享受。
湯底一到，二話不說，小二！豚肉 肥牛 各黎兩客！豚肉 呈淡淡粉紅色，略帶小小肥脂，賣相十分唔錯，最怕有d店鋪 呈上黎果陣已經去晒冰 血淋淋，呢間牛陣未見呢種情況，尚算加分。
相比之下 肥牛呈鮮紅色，油脂分佈亦都較多，賣相亦都不俗。牛肉味濃，但油脂香仍然略嫌唔夠。但以放題任食既質素亦都唔可以要求太多既。
女友係bar枱拎左大量蔬菜，呢到只不過其中一小部分，放題既好處就係可以任你食，食起上黎都唔洗就住就住。
老實地講，60分鐘放題 雖然可以任你食，但係就會好似打仗咁，食飯都係輕輕鬆鬆咁享受先係最好～
張貼
