無邊 (大壩街) (已結業)

平日下晝，條街都唔算好多人，狗狗好耐都冇出街啦，今日同佢出去行吓，當然都要搵間好嘢食啦！喺網上搵到一堆可以同狗狗一齊食嘢嘅餐廳不過比較近嘅都係得一間，支持正確經濟圈！餐廳只得三張枱係可以同狗狗一齊坐，當然平日下晝比較得閒所以座位都係鬆動，人唔算太多。下午茶關係見到有個40幾蚊嘅卡邦尼意粉，好可惜，比我所知唔係正宗卡邦尼煮法，用上市面成日見到嘅忌廉，不過味道偏淡，煙肉質素亦一般，坦白講有啲似白汁意粉多啲因為我哋都好鍾意食漢堡嘅關係，點都叫返過，佢哋特色係一大一細但其實入邊個餡同醬汁都一樣，不過漢堡質素都係一般，麵包唔夠香只係查上普通茄汁冇特別調製的醬汁，漢堡肉唔算十分juicy，配上煙肉生菜酸瓜洋蔥等等，坦白講呢個餐賣成$180左右，真心覺得有啲貴性價比唔係太高，薯條份量亦唔多不過質素還可以最後仲叫咗一杯牛油果香蕉奶昔，飲落幾清新唔係好甜，淡淡牛油果香蕉香味，算是不俗的表現！希望大家可以支持一下，當然小店都要努力哦！