影片
更多
2020-11-08
607 瀏覽
今晚約左好幾年無見面既舊同學見面，因為佢要照顧小朋友，所以我就約係佢住個頭食飯見面：）佢帶左我黎呢度，話最近出左個粵式放題既秋冬版幾吸引，仲要無限時，可以由六點食到十點，岩曬我地聚舊慢慢傾～因為佢係會員，所以價錢計係上黎一d都唔貴，會員成人價係HKd$230，小童價就HKd$138，另收加一同茶芥：）呢度既環境好闊落，店員服務殷勤有禮，感覺相當好！！！呢個秋冬版既粵式放題最吸引既地方係，除咗有30款不同類型口味既小菜可以任食之外，仲有幾款限定食品：大閘蟹、蟲草花響螺燉老雞/濃湯竹笙大碗翅、原隻蠔皇生扣鮑魚(隻)、鹽香燒乳鴿 (半隻) 、Mövenpick 雪糕/芒果布甸，小朋友黎到仲會有專屬佢地既兒童拼盤添！！！！我地坐低無耐，先黎每人半隻既烤乳鴿，燒得皮脆肉嫩，好香口！！！之後就每人有隻扣鮑魚，原隻鮑魚扣至入味，食落軟腍，一d都唔韌，質素唔差啵～我地兩個都要左翅，碗翅都幾足料，啖濃湯仲有d黏口添xppp之後就到我最期待既大閘蟹啦～～～呢隻係我今年第一隻既大閘蟹，呢隻大概有4兩重，一打開見到橙黃色既蟹膏，仲要流油架，食曬一隻都已經好滿足！！！！呢度仲好貼心咁準備埋熱薑茶，等我哋品嘗完大
佢帶左我黎呢度，話最近出左個粵式放題既秋冬版幾吸引，仲要無限時，可以由六點食到十點，岩曬我地聚舊慢慢傾～
因為佢係會員，所以價錢計係上黎一d都唔貴，會員成人價係HKd$230，小童價就HKd$138，另收加一同茶芥：）呢度既環境好闊落，店員服務殷勤有禮，感覺相當好！！！
呢個秋冬版既粵式放題最吸引既地方係，除咗有30款不同類型口味既小菜可以任食之外，仲有幾款限定食品：大閘蟹、蟲草花響螺燉老雞/濃湯竹笙大碗翅、原隻蠔皇生扣鮑魚(隻)、鹽香燒乳鴿 (半隻) 、Mövenpick 雪糕/芒果布甸，小朋友黎到仲會有專屬佢地既兒童拼盤添！！！！
我地坐低無耐，先黎每人半隻既烤乳鴿，燒得皮脆肉嫩，好香口！！！
之後就每人有隻扣鮑魚，原隻鮑魚扣至入味，食落軟腍，一d都唔韌，質素唔差啵～
我地兩個都要左翅，碗翅都幾足料，啖濃湯仲有d黏口添xppp
之後就到我最期待既大閘蟹啦～～～
呢隻係我今年第一隻既大閘蟹，呢隻大概有4兩重，一打開見到橙黃色既蟹膏，仲要流油架，食曬一隻都已經好滿足！！！！
呢度仲好貼心咁準備埋熱薑茶，等我哋品嘗完大閘蟹之後飲添；）
其實食完前面呢幾款限量菜式都飽左一大半，但任食既小菜都唔馬虎，大部份既小菜都係即點即製，有幾款真係一定要點黎試下架！！！
冷盤方面，雞絲粉皮同沙薑豬腳都好出色，加上呢度既沙薑豬腳帶微辣，所以愈食愈開胃=）
小菜方面，自己就幾欣賞佢地既咕嚕蝦同草莓蝦，兩款都係味道酸甜，蝦仁爽彈～～～
而胡椒豬肚係我地都覺得必食既，有好強既胡椒香，飲完食完真係feel到成身暖曬=］
其他小炒整體都唔錯，幾夠鑊氣架～～
最後仲每人有杯Mövenpick 雪糕，食完真係十成飽，非常滿足！！！！
張貼
