Restoran SAYA

營業中

休息中

又嚟到美食天堂大角咀，今次想食泰國菜，不過淨係國菜都已經有好多間，而且好多都各具特色，往後再逐一分享，今次想講嘅呢間 Saya，佢嘅泰國菜同一般嘅泰國菜有啲唔同，唔係一般嘅生蝦冬蔭公炒貴刁，而係响泰國菜之中加入咗好多新嘅創意元素。今次點咗呢度嘅招牌之一嘅泰北咖喱金麵（$128）麵質香脆，另外又點咗另一個招牌菜蟹肉奄列（$138），其他泰國食店真係未試過，啖啖蟹肉，另外點咗伊善炭火燒雞（$128），通常都係食串燒之嘛，邊有燒咁大塊，好香。講到裝修設計，呢間舖仔雖然唔大間，但係都有好幾個打卡位，加支泰啤，好有熱帶風情。