影片
更多
2019-06-10
62 瀏覽
以前喺尖沙咀返工，成日去厚福街覓食。H8呢幢大廈有好多食肆，lunch time 我經常會去上面間德美，佢個lunch set 超滿足超抵食！ 重遊故地，德美猶在，但就見到有間新嘅新派粤菜。我都想知粤菜可以點新派法，於是就俾個機會佢！入到去，環境唔錯，以藍色同淺木色做主調，雲石紋枱面，碗碟都幾有質感。水箱入面啲海鮮幾生猛。首先開左壺茶，陳皮普洱，陳皮味極濃。叫左兩個前菜，分別係冰鎮話梅涼瓜同脆皮八味豆腐，兩個都非常好食！個苦瓜透心涼，話梅味滲入每一條苦瓜，每一啖酸甜清涼，好正呀！！個脆皮豆腐熱辣辣好香脆惹味，個皮嘅厚度適中，豆腐軟滑，外脆內軟。食完前菜，飲碗手工菊花羹。豆腐𠝹成菊花形，巧手之作，成碗都係非常豐富嘅蟹肉，每啖都食到，湯底似魚翅湯嗰啲味，只係爭左魚翅。食完前菜同羹，愈食愈肚餓！一次過上晒3個主菜！銀山火焰牛柳條、參巴醬炒象拔蚌同埋我喺其他地方未見過嘅海鮮芋頭烙。侍應放低個煲，即刻點火。燒一燒，啲酒香、肉香就散晒出黎，真係流晒口水。牛柳下面有好多洋蔥氈底，好多洋蔥汁，啲牛柳keep住juicy唔會太乾，調味夠!👍🏻 海鮮芋頭烙好特別，以為佢會似蠔餅，但更似flat bread
重遊故地，德美猶在，但就見到有間新嘅新派粤菜。我都想知粤菜可以點新派法，於是就俾個機會佢！
入到去，環境唔錯，以藍色同淺木色做主調，雲石紋枱面，碗碟都幾有質感。水箱入面啲海鮮幾生猛。
首先開左壺茶，陳皮普洱，陳皮味極濃。
叫左兩個前菜，分別係冰鎮話梅涼瓜同脆皮八味豆腐，兩個都非常好食！個苦瓜透心涼，話梅味滲入每一條苦瓜，每一啖酸甜清涼，好正呀！！個脆皮豆腐熱辣辣好香脆惹味，個皮嘅厚度適中，豆腐軟滑，外脆內軟。
食完前菜，飲碗手工菊花羹。豆腐𠝹成菊花形，巧手之作，成碗都係非常豐富嘅蟹肉，每啖都食到，湯底似魚翅湯嗰啲味，只係爭左魚翅。
食完前菜同羹，愈食愈肚餓！一次過上晒3個主菜！銀山火焰牛柳條、參巴醬炒象拔蚌同埋我喺其他地方未見過嘅海鮮芋頭烙。
侍應放低個煲，即刻點火。燒一燒，啲酒香、肉香就散晒出黎，真係流晒口水。牛柳下面有好多洋蔥氈底，好多洋蔥汁，啲牛柳keep住juicy唔會太乾，調味夠!👍🏻
海鮮芋頭烙好特別，以為佢會似蠔餅，但更似flat bread。配料有蝦米、炸左嘅瑤柱粒同埋芋頭，面頭有啲類似紫蘇葉嘅物體，仲有芫茜，食落香脆、鬆化、有咬口。我問侍應呢個餅有冇醬汁點，佢話冇，不過可以攞個秘製蝦米醬俾我試下。好彩問一問！個醬真係好惹味，甜甜地少少辣，同個餅好夾！！建議你地問佢攞！！
相比之下，參巴醬炒象拔蚌就冇咁突出，可能俾其餘兩道菜冚左，其實個參巴醬都惹味，有星馬嘅風味，不過有啲瓜中和返，冇其他咁濃味，始終我都比較重口味。
食飽飽，仲有甜品送！桂花椰汁糕，奶味重、有桂花嘅清香解膩，平衡返。咖啡糕都係，奶味重、有咖啡嘅甘平衡返，兩款都好味！我個人比較鐘意咖啡糕，咖啡味幾香濃。
最後再呷一口陳年普洱消滯，完美地為呢餐新派粵菜畫上句號。
張貼
