椒椒相見 (興發街) (已結業)

平時我都好鍾意食川菜😍最近去咗天后嘅椒椒相見🌶個名好得意😛餐廳以鮮明、色彩繽紛嘅塗鴉藝術融入餐廳內外,突顯川菜香辣惹味嘅主題🎨食物選擇好多🤩餐單分為多個類別,有涼拌小菜、風味小炒、川式乾鍋、辣子、水煮、酸菜及泡椒系列等等🤩大部份調味醬料、辣椒及香料都嚟自四川,真正四川風味👍🏻

餐廳嘅正宗干鍋、水煮魚同酸菜魚都好受歡迎😍今次試咗椒椒干鍋,干鍋起源於四川省,以麻辣鮮香嘅口味聞名,具有濃厚嘅鄉士風味👍🏻與火鍋相比,湯汁少但味更足😛傳統干鍋係固定配料,但椒椒相見為港人作出改良,可以自由選擇食材配搭😚配菜種類多達60款以上😍鍋底可選香辣、麻辣、孜然、蔥爆(唔辣)😆再自選辣度🌶配以九款基本香料：孜然、花椒、乾椒、八角、丁香、桂皮、甘松、草果、三奈,加上秘製材料及獨特秘方,嚴選特製四川辣椒及醬汁,一星期用上100斤辣椒🌶確保菜式辣勁十足🔥秘製干鍋色澤紅亮🔴配上時令海鮮或各種華菜及素菜,香嫩可口,別具四川風味😋

椒椒松花水晶皮蛋
金黃色皮蛋晶瑩剔透,賣相好落,同平時黑色嘅皮蛋有啲唔同,咬落比較結實,而且有流心蛋漿😛

酸辣土豆絲
土豆絲絕對係我最愛😍酸辣炒好惹味,土豆絲咬落爽口,份量亦好多😝

乾煸四季豆
每次食川菜都一定要叫乾煸四季豆,用咗辣椒同肉碎一齊炒,調一調味,令到四季豆更入味👏🏻

黃糖糍粑
食四川菜一定要叫黃糖糍粑呢一款甜品😚糍粑煙煙韌韌好好味😋上面鋪滿黃豆粉,點埋黃糖醬食一流😙