聰嫂私房甜品 (已結業)

090426 蜜瓜涼粉$20龍眼椰果冰$22好耐冇食過，之前食開寶琳嗰間，今次嚟開呢頭個<台灣美食節>就探吓佢，佢淨係喺將軍澳開，佢係可以吸引你山長水遠入去食嘅蜜瓜涼粉，有蜜瓜味，涼粉彈彈龍眼椰果冰，龍眼味濃，椰果有咬口，咁耐冇食都冇走樣，真係得兩樣都唔過甜，簡直係消暑佳品090812龍眼椰果冰$22杏仁茶燉疍白$22榴槤水晶珠$25薑汁意大利涼粉$20去完食海鮮，出番嚟坑口搭車，朋友話想食，英雄所見略同，梗係去龍眼椰果冰，水準依然不變的咁好食杏仁茶燉疍白，杏仁味淡好似好水咁，疍白過淋，你見有兩碗，係因為第一碗食食吓，有隻好細隻蜘蛛定蠄蛯從天而降，初頭以為係滴水，好彩碗嘢係白色，所以就見到，如果黑色或者啡色，睇唔到食咗落肚，就充滿疍白質，話俾個店員聽，佢就咁攞走咗，冇講唔好意思，又冇話會俾個碗定唔計錢，我地冇理佢啦，食住其他嘢先，跟住就有碗新送嚟，咦……呢碗好食啲，杏仁味濃番啲，疍白就鬆化，唔係傳統實正嗰隻，佢應該係將疍白打到乳白色似忌廉狀再蒸，我個朋友就唔鍾意呢個整法，所以各有所愛個榴槤超正，好綿似食雪糕，充滿榴槤甜味，又有一舊榴槤喺上面，真材實料，有啲西米幾有咬口，