名館 (希慎廣場) (已結業)

名館係我至愛之一，佢精緻，佢創新，佢乾淨，佢講究，係之前中環店一直吸引我嘅原因。佢竟然喺希慎開舖，仲搞放題，仲只係一位$215（$188加茶位加一），我毫不猶豫就去食啦。星期五晚七點半walk in入去，唔洗等位，Receptionist 非常好，安排咗喺一角嘅梳化卡位，佢仲喺其他方面都表現得非常令人滿意，大力稱讚佢環境好闊落、好舒服。點心逐件點，其他就逐份點，每次落單相隔十分鐘，叫咗十幾碟，如預期般好食，其中個人精選：大良奶、蝦餃、燒賣、妃子笑（炸糯米糍）、魚皮、黑鳯爪。其他例如擔擔麵、腐竹糖水、黑流沙包、餃子、蒸鳳爪、腸粉等等都好食。最後特别提下啲茶，係佢自家麥茶，值得細心品嘗！！！