鮮芋仙 (V Point )

營業中

休息中

芋圓一向係我至愛，不過每次經過銅鑼灣鮮芋仙店舖，都大排長龍，直到今日經過店舖，見到前面排隊既人數得5個左右，就沖左去排隊買，當時諗住堂食，但見堂食比較人多，就轉左買外賣回家食。今次我一共買2碗糖水，第一碗係芋圓4號，第二碗係招牌仙草冰沙。-芋圓4號芋圓4號入面有芋圓、紅豆、珍珠，珍珠就有點硬，芋圓同紅豆就無咩特別，甜度方面都剛剛好。-招牌仙草冰沙招牌仙草冰沙入面有芋圓、仙草凍、仙草冰沙，芋圓煙韌彈牙，仙草又可以清熱氣，夏天食可以消暑，份量方面又多。-整體而言，雖然芋圓係主角，我覺得仙草相比芋圓好食，中意食仙草既朋友，可以一試，不太甜之餘，又透心涼，唯一唔好既係等待時間比較長，想食既朋友要俾小小耐性去排隊。