川流 (已結業)

我地好少食川菜，因為有人唔食得辣，但呢度有好辣既川菜，又有唔辣既菜式，岩晒唔同口味既人！而且菜式好fusion ，好有新鮮感，唔錯！先先叫左兩杯菠蘿汁，新鮮窄起，好冰涼鮮甜！餐前小食，好精美！最特別係佢個辣爆谷，似係落左七味粉，但又甜甜地，幾好食燈影牛肉晶瑩剔透既牛肉乾，薄薄一片，食落去好脆口，面頭沾完左乾身既糖漿，甜甜地，幾特別！好有心思！會見到牛肉既紋理！小籠包望個樣都見到小籠包皮薄，透到入面有好多湯汁！漲卜卜一個！右邊既係醋，直接啫入小籠包入面不過唔好啫晒喎，咪會太咸。湯汁同餡料好聚手呀！獅子頭個豆瓣醬汁好yummy！辣辣地，有唔同既配料，用黎送飯食一流！獅子頭同我平時食開既有啲唔同，佢彈牙好多，可能因為係用爐魚整成，無肥豬肉，無甘油膩！黑醋黑毛豚酥肉豚肉瘦得黎唔會好韌，食落仲好juicy ，好稔！剛炸起，炸到外脆內稔，入面仲係熱辣辣，食時真係要小心熱。素炒飯炒飯炒到粒粒分明，軟硬適中，又唔會太乾！配料有好多，如蛋絲、雜豆、菜頭、雪耳同豆乾等。材料好豐富，雖然無肉，但食落都好夠味，好好食！最緊要多菜又健康！自家製豆乳焦糖布丁佢唔係一般甘用牛乳而係用豆乳，豆乳比較清，唔會甘奶，有陣