甜圓坊

營業中

休息中

一直以來我都很喜歡吃台灣美食，不過在香港，很多時都未必有令我感動的食物，在網路上看到這裡的芋圓有很多人讚，今晚特地來此。店餔裝修簡約，大部分都係方枱，只有一排吧枱。鹵肉飯$30，有醃過的青瓜，酸酸地，鹵肉鹵得好入味，個汁好正宗。鹹酥雞$30，外皮炸得又香又脆，雞肉好嫩，味道剛剛好。排骨飯$45，即係豬扒飯，都幾大塊，而且醃得好好味，仲有只鹵蛋。酸梅湯$7，不會太甜，酸酸甜甜，好味道。珍珠奶茶$20，珍珠有嚼勁，茶味濃，甜味適中，我鐘意。綜合剉冰$30，有芋圓、地瓜圓、湯圓、紅豆蓉、西米、薏米、珍珠，仲有些煉奶係面，剉冰舖㡳，我覺得地瓜圓比較甜，不過食到蕃薯味，芋圓剛剛好，所有的圓都好彈牙，又唔成口粉，我覺得很正宗。嫩仙芋奶凍$25，材料和綜合剉冰一樣，多了腰豆和仙草，不過這個是暖的，不愛吃凍的可選擇這個。我覺得這裡的食物質素很好，價錢公道，下次想吃芋圓、地瓜圓一定再來。