爺爺雞煲皇 (已結業)

春.夏.秋.冬---我最鍾意嘅係冬天，因為冬天能夠同家人聚首一堂食雞煲或火鍋，對我而言係一件非常幸福嘅事。妹妹想食炒飯，我想食火鍋，家姐想食刺身，邊度可以滿足我地?  媽咪帶咗我地入元朗食爺爺雞煲，因為有Auntie請食飯。入座後，店員遞上調味盒。Auntie話呢度刺身新鮮, 要嗌我地一定舉腳贊成希靈魚唔啱我食, 但係聽大人講係好爽脆, 我最喜歡係肥美嘅三文魚熱辣辣嘅雞煲送到, 我唔客氣, 小麻辣就好啱我不過家姐同妹妹雞肉大件, 如果唔煮咁耐都可以食到滑雞。先食雞煲後食火鍋, 食完雞再倒湯食火鍋, 今次生料我有份嗌:手打丸爽口又彈牙, 尤其係墨魚丸有墨魚粒, 好似文輝咁好食。手切本地肥牛, 一睇就知好新鮮, 味道就更加好味, 牛肉味道夠濃又夠香。生菜好新鮮, 不過我係奉行多肉少菜嘅女仔, 只係食佐一塊咁大把。新鮮肥鵝腸, 我好少食鵝腸, 而咁肥美嘅鵝腸就更加未食過。全晚我最like呢個 八味金磚豆腐, 夠熱又脆口, 一啖咬落去又脆又軟, 好味到停唔到口。爺爺招牌炒飯, 呢個炒飯炒得好香口, 特別在有三文魚粒和菜脯粒, 味道好正。