美味食店 (已結業)

太子呢間美味食店一定係落親旺角太子必去既小店，但我去親都有個小小嘅怪癖😅就係我一定唔會洗頭出門口🤦🏽‍♀因為永遠企喺嗰度食完所謂好臭嘅嘢之後，其實最臭嘅唔係啲臭豆腐或者炸大腸，係自己個頭呀🤣🤣🤣最近冇乜遊客嚟香港，所以呢間平時排晒長龍嘅都可以輕輕鬆鬆買到啦！呢間臭豆腐好吃得沒話說，熱騰騰剛炸起鍋的臭豆腐，豆腐厚實硬脆酸味沒有非常強烈，豆腐入面相反係非常軟嫩，醬料要自行調配，我一向都會落甜酱豆瓣醬同芥末，但一塊而家要成十元啦真係有啲貴。炸大腸係大滾油鍋入面炸炸炸住，食食下豆腐都會比咔嚓咔嚓咔嚓聲吸引到😆非常為食就真😅炸大腸條條都是炸到脹卜卜, 我永遠都叫姐姐切腸頭比我，大腸不會是腥味仲肥而不膩。😋