影片
更多
2018-05-13
323 瀏覽
星期日下晝要揾好地方歇腳唔容易，今日難得揾到尖沙咀竟然有咁寬敞舒適嘅地方，以後同朋友想靜靜地飲下嘢又有多個選擇。食物嚟講唔算最出色，但環境絕對係鬧市中嘅天堂。以木為主嘅裝修感覺文青又温暖。雖然唔關食嘢事，呢度有嘅香港postcard應該係我見過最靚同埋最多嘅，側邊仲有一個殖民地特色嘅郵筒，可以寄postcard.唔中意坐枱凳，地下有cushion可以坐，啱晒小朋友。有黑板寫低bookings同埋可以留comment 呢度嘅service係自助式嘅，要自己攞餐，當然都因為咁唔需要加一。All Day Breakfast 🍳🥞 ($88)，賣相出色但整體上稍為油膩。炒蛋未夠滑但所有食材尚算高質。菇，蕃茄，煙肉，香腸，全部都煎到微微金黃色。沙律新鮮，配上水果醋感覺清新。Affogato ($48)，espresso微苦帶甘香，配雲呢嗱雪糕好正。不過espresso唔係好夠，所以啲餅乾條好快就吸乾晒，吸唔夠嘅就要慢慢等雪糕溶，而且後嚟就會覺得偏甜。整體唔錯嘅。香草蒜油意粉($58)，份量適中，好香蒜油味。蒜，洋蔥炒至金黃又有鑊氣，但未至於腍晒，保持爽脆嘅口感。意粉幼身但有咬口，雖然冇配菜，但係
以木為主嘅裝修感覺文青又温暖。
雖然唔關食嘢事，呢度有嘅香港postcard應該係我見過最靚同埋最多嘅，側邊仲有一個殖民地特色嘅郵筒，可以寄postcard.
唔中意坐枱凳，地下有cushion可以坐，啱晒小朋友。
有黑板寫低bookings同埋可以留comment
呢度嘅service係自助式嘅，要自己攞餐，當然都因為咁唔需要加一。
All Day Breakfast 🍳🥞 ($88)，賣相出色但整體上稍為油膩。炒蛋未夠滑但所有食材尚算高質。菇，蕃茄，煙肉，香腸，全部都煎到微微金黃色。沙律新鮮，配上水果醋感覺清新。
Affogato ($48)，espresso微苦帶甘香，配雲呢嗱雪糕好正。不過espresso唔係好夠，所以啲餅乾條好快就吸乾晒，吸唔夠嘅就要慢慢等雪糕溶，而且後嚟就會覺得偏甜。整體唔錯嘅。
香草蒜油意粉($58)，份量適中，好香蒜油味。蒜，洋蔥炒至金黃又有鑊氣，但未至於腍晒，保持爽脆嘅口感。意粉幼身但有咬口，雖然冇配菜，但係仍然屬於高質嘅意粉。
對於環保方面有少少固執。可能係因為想減省人手所以餐具包括碗碟全部使用即棄式，個人就就唔係認同。
張貼
