一起果醬 (已結業)

每次去西貢都會見到呢間餐廳，但就總係無機會試，最近從友人口中得知尖沙咀都有間分店，對於我黎講，尖沙咀比起西貢易去好多~ 今日就專程出黎一試，順便行下街買下衫 門口放左好多款手工果醬俾你買番屋企食，價錢唔算太貴 有輕食亦有飽肚食品 全天英式早餐 ($98)老公每次去到有ALL DAY BREAKFAST點o既餐廳都一定會忍唔住order，今次都唔例外，呢個all day breakfast包含o既食物同一般o既大同小異，最特別就係可以揀厚多士上面o既手工果醬啦，果醬種類有好多，我地揀左玫瑰蘋果，果醬食落有淡淡o既蘋果味，但玫瑰味就唔算突出，我最鐘意就係佢唔會似一般果醬o個種死甜o既味道黃金蟹肉軟殼蟹意粉 ($108)好fusion o既配搭，意粉充滿鹹蛋黃o既味道，平時黃金蝦就食得多，黃金意粉就真係第一次，可能因為軟殼蟹都係海鮮，同蛋黃好夾 呢道菜俾到我好大驚喜桂花雪梨茶 ($35)杯底有好多雪梨，唔過甜，夠晒滋潤Mocha ($42)老公話咖啡味唔算濃，朱古力味較重餐廳環境坐得夠舒服，同朋友想搵個地方坐底傾下計，又或者假期黎RELAX一下就岩晒