Amazake (已結業)

其實都試過幾次喺度食lunch。呢間餐廳最大特色係佢有依個三小碗嘅選擇，鍾意食魚生嘅朋友可以全部揀三文魚子、三文魚等等，鍾意熟食嘅朋友又可以揀燒豚肉，各有所好、悉隨尊便。要讚一讚嘅地方就係呢度成日都有位，通常搵唔到位又有幾個同事一齊食嘅話，就會嚟呢度，坐得都算舒服。唯一嘅建議就係佢嘅食物份量可以再做得多啲，因為佢價錢都係偏貴，要$200左右一個人，但係食完感覺唔係好飽，因為每碗份量亦都唔係大，所以依方面可以做返好啲。