影片
更多
2010-08-12
26 瀏覽
食午餐前已經興致勃勃咁要去試呢間雪糕店, 因為有朋友試過話好味, 同埋覺得自助形式好過癮!! 食完個午餐, 急不及待走去試!!去到先知原來可以坐低慢慢食, 咁梗係要坐下啦!!先黎要揀個雪糕杯先, 有大同細揀, 雖然兩者個SIZE分別唔係差好多, 不過保護荷包起見, 都係揀左個細O既!之後就係揀雪糕時間。佢今日有5種口味選擇, 有比利時朱古力, 士多啤梨, 北海道牛奶, 榛子同乳酪味。佢一部機有兩種味, 係同便利店D雪糕機一樣, 可以整造單味或者雙味(即係扭紋)雪糕, 我貪心要遢晒所有味, 所以揀晒扭紋!!揀完雪糕就去揀配料。配料種類一般, 以生果為主, 都有少少朱古力餅碎果D揀。配料O既設備比較簡陋, 個感覺其實唔係太衛生咁, 不過唔理得咁多了, 食左先算。最後我揀左水蜜桃, 士多啤梨, 藍莓同少少朱古力醬。最後就係去俾錢喇, 一磅之下, 原來我杯雪糕有成300幾克重, 以$12/100克O既計法, 我杯雪糕賣單係剛剛好$40。環境黎講都算乾淨, 因為我係好驚D會飛O既昆蟲O既人, 咁坐係到差不多20分鐘都無任何會飛昆蟲, 地下都算幾乾淨, 無水跡。雪糕味道方面, 雖然我愛朱古力, 但
先黎要揀個雪糕杯先, 有大同細揀, 雖然兩者個SIZE分別唔係差好多, 不過保護荷包起見, 都係揀左個細O既!
之後就係揀雪糕時間。佢今日有5種口味選擇, 有比利時朱古力, 士多啤梨, 北海道牛奶, 榛子同乳酪味。佢一部機有兩種味, 係同便利店D雪糕機一樣, 可以整造單味或者雙味(即係扭紋)雪糕, 我貪心要遢晒所有味, 所以揀晒扭紋!!
揀完雪糕就去揀配料。配料種類一般, 以生果為主, 都有少少朱古力餅碎果D揀。配料O既設備比較簡陋, 個感覺其實唔係太衛生咁, 不過唔理得咁多了, 食左先算。最後我揀左水蜜桃, 士多啤梨, 藍莓同少少朱古力醬。
最後就係去俾錢喇, 一磅之下, 原來我杯雪糕有成300幾克重, 以$12/100克O既計法, 我杯雪糕賣單係剛剛好$40。
環境黎講都算乾淨, 因為我係好驚D會飛O既昆蟲O既人, 咁坐係到差不多20分鐘都無任何會飛昆蟲, 地下都算幾乾淨, 無水跡。
雪糕味道方面, 雖然我愛朱古力, 但佢個比利時朱古力真係麻麻地, 濃但係唔甜唔苦咁; 榛子味就唔多覺係榛子; 士多啤梨D味有D假; 牛奶味都係無味; 唯一最值得讚O既就真係乳酪味! 我係極愛CHEESE CAKE的人, 所以一啖食落去已經即刻FEEL到係似CHEESE CAKE o既乳酪味, 超得! 我俾個味道4分, 都絕對係因為呢個乳酪味!!!!
張貼
