LAB10 (已結業)

咁岩行完朗豪坊買嘢,見到有間門口都設計得幾新潮幾靚嘅餐廳叫lab10,好似幾特別就同朋友試吓。原來係食燒烤同埋韓國嘢㗎 ,同個朋友兩個人揀咗個牛肉拼盤自己燒同埋炒粉絲,韓國嘢黎講最鍾意就係食炒粉絲架喇我!個牛肉嘅擺盤都幾特別 唔同部位呢會擺喺唔同位置，上菜都算幾快，第一次食同埋自己燒嘅經驗都幾特別，啲牛肉好新鮮除咗幾舊我覺得好肥嘅冇乜特別食之外全部食晒！而個炒粉絲係勁好味呀！ ！ ！不過呢價錢來講就唔算低同埋呢限時食90分鐘嘅啫，所以就要預返時間啦。